خلي بالك على نفسك مني
ماعنتش هسمح لك تجرحني
ماعنتش هسمح وقت ما انت عايز تقرب لي
علمتني اقسى عليك
علمتني اقسى واقوى رغم حبي ليك
ماعنتش بضعف أدام دموع عينيك
ماعدتش يهمني بعدي او قربي ليك
كنت كل حياتي .. كل روحي .. كنت ف عيوني ديما ملاك
فاجئتني حقيقتك
تصرفاتك .. كلامك .. كدبك .. اعذارك
ماصدقتش غير لما شوفتها ف عينيك
معدتش هيحميك حبي ليك
انت اللي بديت
انت اللي كدبت وخُنت وعلى قلبي وحبنا جنيت
جرحت وقسيت .. غدرت ومشيت
وراجع مفكر قلبي زي ماكان .. عليك هيموت وفي حبك هيمان
لا والله انت غلطان .. والمره دي هترجع خيبان
قلبي قسي وكان اللي كان
ماترجعش تقول فين حبك اللي كان
هقولك ده كان زمان
إبكــي وإندم
وقول إرجعـــي يا أيام
رجعي مشاعر وصدق زمان
رجعي الحنية والحب اللي كان
ودلوقتي .. اكتفيت ولا أجرح قلبك كمان
إبعد وإنســاني
وأنا هعيش وآحب تاني
وانت !!!
هتبقه مجـــرد ذكرى مرت على آيامي
